हेल्थ टिभी अनलाइन : ललितपुरमा रहेको किष्ट शिक्षण अस्पतालले विश्व क्यान्सर दिवस मनाएको छ । बुधबार काठमाडौंमा क्यान्सर सर्भाइभरसँग छलफल गर्दै विश्व क्यान्सर दिवस मनाइएको हो ।

अस्पतालको क्यान्सर विभागले उक्त कार्यक्रममको आयोजना गरेको हो । उक्त कार्यक्रममा क्यान्सर विभागका विभागीय प्रमुख प्राडा विष्णुदत्त पौडेलले क्यान्सर सुरुकै अवस्थामा उपचार गरेमा निको हुने भन्दै यसबाट डराउने भन्दा पनि सजग हुनपर्नेमा जोड दिए ।

उनले क्यान्सर जोकोहीलाई पनि लाग्न सक्ने भन्दै क्यान्सर लागेपछि परिवार, साथीभाई तथा समाजको साथ सहयोग महत्वपूर्ण हुने समेत जिकीर गरे । कार्यक्रममा क्यान्सर उपचार गराइरहेका बिरामी तथा क्यान्सर विजेता, क्यान्सर विशेषज्ञ र अस्पतालका कर्मचारीको उपस्थिती थियो ।

विश्वभर फेब्रुअरी ४ मा विश्व क्यान्सर दिवस मनाउने गरिन्छ ।