अचेल काँचो तरकारी र फलफूलदेखि पकाएको खानेकुरासम्म फ्रिजमा राख्ने चलन छ। फ्रिजमा राखेका खानेकुरा सधैँ ताजा र स्वच्छ रहन्छन् भन्ने सोचाइ छ। तर, सबै वस्तुहरूमा यो लागु हुदैन ।

कतिपय खानेकुरा र फलफूल फ्रिजमा राख्दा बिग्रिन्छन् र तिनमा रहेका तत्त्वहरू कम हुन्छ–

पाउरोटी

फ्रिजभित्रको चिसो तापक्रमले पाउरोटीमा ‘डिहाइड्रेसन’को प्रक्रिया छिटो हुन्छ। यसबाट पाउरोटी चाँडै सुक्छ र बिग्रिन्छ।

केरा

यसबाट इथाइलिन ग्यास निस्किन्छ, जसले आसपासका फलहरूलाई चाँडै पकाइदिन्छ।

सुन्तला

यसमा ‘साइट्र एसिड’ हुन्छ, त्यसैले फ्रिजभित्रको चिसो सहन सक्दैन। फ्रिजमा राख्दा यसमा दाग देखिन्छ र स्वाद पनि फेरिन्छ।

स्याउ

फ्रिजमा राख्दा यसमा रहेको एन्जाइम सक्रिय हुन्छन् र स्याउ चाँडै पाक्छ। राख्ने नै हो भने कागजमा बेरेर राख्नुपर्छ।

हरिया तरकारी

केही दिनसम्म फ्रिजमा राख्दा पात सुक्छ र तरकारी चाँडै बिग्रिन्छ।

गोलभेँडा

फ्रिजमा राख्दा गोलभेँडाभित्रको ‘मेम्ब्रन’ टुट्छ र टमाटर चाँडै गल्छ र बिग्रिन्छ।

प्याज

प्याजमा चिसोपना धेरै हुन्छ र फ्रिजमा राख्दा यसको बोक्रा गल्छ।