तपाईँ कति स्वस्थ, कति सुखी? तलका प्रश्न दिनमा धेरैपटक आफैँसँग गरेर आफैँलाई आँक्नुहोस्–

के मैले हरेक दिन एक घण्टा व्यायाम गरेँ त?

म खानका लागि बाँचेको हुँ वा बाँच्नका लागि खाइरहेछु?

के मैले तीन महिनाभित्र रक्तचाप, चिनी तथा कोलेस्टेरोल जाँच गराएँ?

म दिनमा कतिपटक हाँसे?

के मैले चिकित्सकले दिएको सल्लाहअनुसार खानपान र अन्य व्यवहार गरिरहेको छु?

के मैले मेरो सुखका लागि प्रयोग गरिरहेका वस्तुहरू साधारण, प्राकृतिक, सहज मूल्यका तथा समाजलाई ग्राह्य छन्?

के मैले आफ्ना सबै आत्मीयहरूलाई सम्झिएँ र उनीहरूको शुभ होस् भनी कामना गरेँ?

के मेरा बाह्य आवश्यकताहरू विगत केही समयदेखि घटिरहेका छन्?

यो संसारमा भएका कुराहरूलाई म कसरी हेर्छु र आफ्नो जीवनसँग कसरी दाँज्छु किनभने हरेक कुरा मेरै हातमा छन् भन्ने मैले बुझेको छु।

के म सुखी आफैँमा सीमित छु?

के म सांसारिक वस्तुहरू त्याग्न तयार छु? र त्यसपछि के म साँच्चै सुखी भएर बाँच्न सक्छु?

के म दोषी, दिक्दार, डाह गर्ने, रिस उठ्ने, तनाव तथा झडंग रिसाउनेजस्ता नकारात्मक आवेगलाई पर राखेर सुखी, आफैँमा सीमित हुने, अनुग्रहीत हुने, दान दिन तयार हुने, उत्तेजित हुने र हसमुख रहने जस्ता सकारात्मक आवेगहरूमा बढी समय खर्च गरिरहेछु?

के म आफ्नी श्रीमती, आफ्नो काम र आफैँबाट सन्तुष्ट छु?

डा. भारत रावतकाे ‘स्वस्थ जीवनशैली स्वस्थ मुटु’ पुस्तकबाट