घिउ पौष्टिक पदार्थ हो। यसलाई जुनसुकै तरिकाले खान सकिन्छ । भात, तरकारी, दालरोटी र परौठा बनाउनका लागि यसको प्रयोग गर्न सकिन्छ।शुद्ध जातका गाईभैँसीका मिसावट नगरिएको घिउले मानिसलाई बल प्रदान गर्नुका साथै आरोग्य र दीर्घायु प्राप्त हुन्छ।

यी हुन् घिउका अरु फाइदा

घिउले छाला स्वस्थ राख्नुको साथै स्मरणशक्ति बढाउन सकारात्मक भूमिका खेल्छ ।

कब्जियतका बिरामीलाई घिउ सेवन निकै फइदाजनक हुन्छ।

यसले छालामा चमक ल्याउनुका साथै जोर्नीमा घर्षण उत्पन्न गर्छ। यसले गर्दा हिँडडुल गर्न सहजता मिल्छ ।

घिउले शरीरको प्रतिरक्षा प्रणालीलाई पनि बलियो बनाउन मद्दत गर्छ।

यसले मुटुलाई स्वस्थ राख्ने र क्यान्सरको खतरालाई घटाउने कामसमेत गर्छ।

शुद्ध घिउ सेवनले मधुमेह र मोटोपनाको समस्या हटाउन पनि सहयोग पुग्छ।

घिउले शरीरलाई चंगा बनाउन मद्दत गर्नुका साथै आरामदायी निद्रामा सहयोग पुर्याउँछ ।