हेल्थ टिभी अनलाइन\ काठमाडौं :  विभिन्न देशबाट नेपाल फर्किने सबैको पीसीआर परीक्षण गरेर मात्र घर पठाइने भएको छ ।

आइतबार स्वास्थ्य तथा जनसंख्या मन्त्रालयको नियमित मिडिया ब्रिफिङमा मन्त्रालयका प्रवक्ता डा जागेश्वर गौतमले अबदेखि विदेशबाट आउने सबैको पीसीआर परीक्षण गरिने बताएका हुन्। उनले भने, ‘स्वास्थ्य तथा जनसंख्या मन्त्रालयको उच्चस्तरीय बैठकले अबदेखि विदेशबाट आएका, पोजेटिभ भएका व्यक्तिको सम्पर्कमा आएका, अत्यावश्यक सेवाकर्मीहरु सबैको चिकित्सकको सल्लाह बमोजिम पीसीआर परीक्षण गर्ने निर्णय भएको छ ।

यसका साथै हवाइमार्ग हुँदै स्वदेश आउनेलाई ५ दिनसम्म होल्डिङ सेन्टरमा राखेर पीसीआर परीक्षण पछि मात्र घर पठाउने निर्णय भएको र स्थलमार्गबाट आउनेको पनि अनिवार्य रुपमा पीसीआर गरिने निर्णय भएको पनि डा गौतमले जानकारी दिए ।

हालसम्म भने सरकारले स्पष्ट लक्षण देखिएका र सरकारले तोकेको मापदण्डभित्र पर्नेको मात्र पीसीआर परीक्षण गर्दै आएको थियो ।

हेल्थ टिभी अनलाइन \काठमाडौं : नेपालमा थप १५६ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार आज १५६ जनामा कोरोना संक्रमण पुष्टि भएको हो । योसँगै नेपालमा कोरोना संक्रमितको संख्या १७ हजार ६५८ पुगेको छ । हाल नेपालमा एक्टिभ संक्रमितको संख्या ५९२३ छ ।

आज काठमाडौंमा १ र ललितपुरमा २ जनामा पनि कोरोना  संक्रमण पुष्टि भएको छ । हालसम्म देशभर ४० जनाले कोरोनाबाट ज्यान गुमाएका छन्।