हेल्थ टिभी अनलाइन \काठमाडौं : गण्डकी प्रदेशमा थप ६ जनामा कोरोना संक्रमण पुष्टि भएको छ ।

गण्डकी प्रदेश स्वास्थ्य निर्देशनालका अनुसार आज थप ३ जिल्लामा ६ जना संक्रमित थपिएका हुन्। शुक्रबार संक्रमण पुष्टि हुनेहरुमा तनहुँका १ जना,म्याग्दीका २ जना र कास्कीका ३ जना रहेका छन्।

योसँगै गण्डकी प्रदेशमा कोरोना संक्रमितको संख्या १४ सय ८५ पुगेको छ । यसैगरी कोरोना जितेर डिस्चार्ज हुनेको संख्या नै १२ सय ४३ पुगेको छ ।

हेल्थ टिभी अनलाइन \पर्सा : वीरगञ्जमा दुई दिनमा तीन जना संक्रमितको कोरोनाबाट मृत्यु भएको पुष्टि भएको छ ।

नारायणी अस्पतालका मेडिकल सुपरिटेन्डेन्ट डा मदन कुमार उपाध्यायले बिहीबार दुई जना र शुक्रबार एक जनाको कोरोनाबाट मृत्यु पुष्टि भएको जनाए । यसरी मृत्यु हुनेहरुमा एक जना संक्रमितको उपचारकै क्रममा कोभिड अस्पतालमै मृत्यु भएको र एक जनको भने घरमै मृत्यु भएको र पछि कोरोना पुष्टि भएको हो ।

यसैगरी अर्को व्यक्ति वीरगञ्जकै व्यापारी रहेको र उनलाई केही दिन अघि कोरोना पुष्टि भएपछि अस्पतालमा रहेका बेला हिजो राति १२ बजे मृत्यु भएको बताइएको छ । यसरी दुई दिनमै वीरगञ्जमा तीन जना संक्रमितको मृत्यु पुष्टि भएको हो । योसँगै नेपालमा संक्रमितको संख्या ५५ पुगेको छ ।