९ फाल्गुन २०७५ , बिहिबार

संकलित हस्ताक्षरसहित काठमाडाैंमा भेला हुँदै सरकारी चिकित्सक

काठमाडौं : कर्मचारी समायोजनमा असन्तुष्टि जनाउँदै आएका सरकारी चिकित्सक आफूहरूले संकलन गरेको राजीनामा सरकारलाई बुझाउन काठमाडौंमा भेला हुँदैछन्।

विधेयक सच्याउन सरकारलाई दबाब दिँदै सरकारी चिकित्सक संघले स्वेच्छिक सामूहिक राजीनामाका लागि साेमबार हस्ताक्षर अभियान चलाएकाे थियाे।

साताव्यापी आन्दोलनमा रहेका सरकारी चिकित्सकहरूले संकलित राजीनामा सरकारलाई बुझाउने र माग पूरा नभए शुक्रबारदेखि सबै अस्पतालको सेवा बहिष्कार गरी अवज्ञा आन्दोलन शुरु गर्ने संघका अध्यक्ष डा. दीपेन्द्र पाण्डेले बताए।

आन्दोलनमा साथ दिन सर्वसाधारणलाई अपिल गर्दै उनीहरूले मंगलबार रक्तदान गरेका थिए भने बुधबार सामूहिक विदामा बसेका थिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।