२ फाल्गुन २०७५ , बिहिबार

जिल्ला अस्पतालमा चिकित्सक पठाउन सांसदकाे माग

काठमाडाैं : राष्ट्रियसभाका सांसदले रुकुम पश्चिम जिल्ला अस्पतालमा दरबन्दीअनुसारको चिकित्सक तत्काल पठाउन माग गरेका छन्।

राष्ट्रियसभाको बिहीबारको बैठकको विशेष समयमा सांसद ठकेन्द्रप्रकाश पुरीले चिकित्सकको दरबन्दी भए पनि एक चिकित्सकको भरमा चलेको बताएका हुन्। अस्पताल प्रदेश सरकारले सञ्चालन गरे पनि सङ्घमार्फत त्यहाँ चिकित्सक पठाउन उनले माग गरे।

२०४५ मा स्थापना भएको सो अस्पताल शुरुमा १५ शय्याको थियो। हाल ३७ शय्याको सो अस्पतालमा दैनिक ३०० बिरामीले स्वास्थ्यसेवा लिन्छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।