२१ भदौ २०७७ , आइतवार

वीर अस्पताललाई कोभिड- १९ डेडिकेटेट अस्पताल बनाइने

हेल्थ टिभी अनलाइन\ काठमाडौं : स्वास्थ्य तथा जनसंख्या मन्त्रालयले मुलुककै पुरानो वीर अस्पताललाई कोभिड -१९ डेडिकेटेट अस्पताल बनाउने निर्णय गरेको छ ।

मन्त्रालयका प्रवक्ता डा जागेश्वर गौतमले वीर अस्पताललाई कोभिड -१९ डेडिकेटेट अस्पताल बनाउने र हाल त्यहाँ भएका बिरामीलाई नजिकै रहेको ट्रमा सेन्टरमार्फत नियमित स्वास्थ्य सेवा प्रदान गरिने जानकारी दिए ।

काठमाडौंमा कोरोना संक्रमितको संख्या बढ्दै गएपछि मन्त्रालयको ‘इन्सिडेन्ट कमान्ड सिस्टम’ को बैठक बसी आजै वीर अस्पताललाई कोभिड -१९ डेडिकेटेट अस्पताल बनाउने निर्णय गरेको हो ।

यसैगरी मन्त्रालयले विभिन्न शिक्षण संस्थामा स्वास्थ्यका विधामा अध्ययनरत विद्यार्थीलाई स्वयंसेवकका रुपमा खटाउने पनि निर्णय भएको जनाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।