हेल्थ टिभी अनलाइन \काठमाडौं : पछिल्लो २४ घण्टामा नेपालमा काठमाडौंका ३ सहित थप ९ जना संक्रमितको मृत्यु भएको छ ।

स्वास्थ्य तथा जनसंख्या मन्त्रालयका अनुसार देशभरका विभिन्न जिल्लामा गरी थप ९ जनाकोे मृत्यु भएको हो । यसरी मृत्यु हुनेहरुमा ३ जना महिला र ६ जना पुरुष रहेका छन्।

पछिल्लो २४ घण्टामा कोरोना संक्रमणबाट मृत्यु हुनेहरुमा काठमाडौैका ४१, ५९ र ६५ वर्षका पुरुष रहेका छन्। त्यसैगरी मोरङकी ४३ वर्षीया महिला, मकवानपुरकी ५२ वर्षीया महिला, नवलपरासीकी ३७ वर्षीया महिलाको पनि कोरोना संक्रमणबाट मृत्यु भएको छ । यसैगरी पर्साका ७५ वर्षीय, महोत्तरीका ७८ वर्षीय र रुपन्देहीका ४० वर्षीय पुरुषले पनि कोरोना संक्रमणकै कारण ज्यान गुमाउन पुगेका छन्।

योसँगै नेपालमा कोरोनाबाट मृत्यु हुनेको संख्या २८० पुगेको छ ।