२४ घण्टामा थपिए १३ सय ५९ जना संक्रमित, १४ जनाको मृत्यु
हेल्थ टिभी अनलाइन \काठमाडौं : नेपालमा पछिल्लो २४ घण्टामा देशभर १३ सय ५९ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार देशभरका प्रयोगशालामा गरिएको परीक्षणमा थप १३ सय ५९ जनामा संक्रमण पुष्टि भएको हो । योसँगै नेपालमा कुल कोरोना संक्रमितको संख्या ४४ हजार २३६ रहेको छ । मन्त्रालयका अनुसार गत २४ घण्टामा १३ सय ५४ जना संक्रमित निको भएर घर फर्केका छन्। योसँगै कोरोना जितेर डिस्चार्ज हुनेहरुको संख्या २५ हजार ५६१ पुगेको छ ।
हाल कोरोनाको आशंकामा देशभरका विभिन्न क्वारेन्टाइनमा रहेको संख्या ६ हजार ५६१ रहेको पनि मन्त्रालयले जनाएको छ । गत २४ घण्टामा देशभर १४ जनाको कोरोना संक्रमणबाट ज्यान गएको छ । नेपालमा कोरोना संक्रमण भएर मृत्यु हुनेको संख्या २७१ पुगेको छ ।
आत्महत्यासम्बन्धी जिम्मेवार रिपोर्टिङका लागि सञ्चारकर्मीलाई अभिमुखीकरण
बुढ्यौलीमा पनि अधिकार र सम्मानको खाँचो
पत्रकारका लागि फेलोसिप र तालिमको अवसर
औषधि खाँदा के कुरामा ध्यान दिने ?
मधुमेहका बिरामीले दशैँमा कसरी मिलाउने खानपान ?