१९ भदौ २०७७ , शुक्रबार

चितवन मेडिकल कलेजमा पनि प्लाज्मा थेरापी उपचार शुरु

हेल्थ टिभी अनलाइन\ चितवन: चितवन मेडिकल कलेजमा उपचाररत एक जना महिलामा प्लाज्मा थेरापी विधिबाट उपचार थालिएको छ ।

हेटौंडा उपमहानगरपालिका ११ की ५२ वर्षीया संक्रमित महिलामा प्लाज्मा थेरापी उपचार शुरु गरेको अस्पतालले जनाएको छ । भरतपुर रक्तसंचार केन्द्रको सहयोगमा ती महिलालाई बिहिबार राती प्लाज्मा दिइएको हो ।

कोेरोना संक्रमण भएर निको भइसकेका व्यक्तिले दान गरेको रगतबाट प्लाज्मा निकालेर उनलाई चढाइएको हो । कोरोनाका सिकिस्त बिरामीलाई प्लाज्मा थेरापी दिंदा सुधार हुने भएकाले यो विधि नेपालमा पनि शुरु गरिएको हो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।