१४ भदौ २०७७ , आइतवार

कोरोना संक्रमितको होम आइसोलेसनमै मृत्यु

हेल्थ टिभी अनलाइन\ काठमाडौं : भक्तपुरमा एक कोरोना संक्रमितको मृत्यु भएको छ । उनको होम आइसोलेसनमै बसेका बेला मृत्यु भएको हो ।

कोरोना संक्रमण भएर पनि घरमै बसिरहेका भक्तपुर नगरपालिका–१ दूधपाटीका ६५ वर्षीय पुरुषको शनिबार राति मृत्यु भएको वडाका वडाध्यक्ष श्यामकृष्ण खत्रीले जानकारी दिएका छन् । मृतक मधुमेह र उच्च रक्तचापका बिरामी थिए । भदौ ११ गते गरिएको परीक्षणमा उनमा कोरोना संक्रमण पुष्टि भएको थियो ।

भक्तपुरमा होम आइसोलेसनमा बसेका संक्रमितको पहिलो पटक मृत्यु भएको हो। सरकारले लक्षण नभएका संक्रमितलाई होम आइसोलेसनमै बस्नपर्ने बताएको छ । लक्षण देखिएका र सिकिस्त भएमा मात्र अस्पताल भर्ना गर्ने नीतिकै कारण उनी पनि होम आइसोलेसनमा थिए । रासस

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।