नेपालमा कोरोना संक्रमितको संख्या ३७ हजार ३४० पुग्यो, २०७ जनाले गुमाए ज्यान
७५ जनाको आइसीयू र २२ जनाको भेन्टिलेटरमा उपचार हुँदै
हेल्थ टिभी अनलाइन \काठमाडौं : विश्वमा कोरोना महामारी शुरु हुँदा नेपालीको ‘इम्युनिटी पावर’ बलियो छ त्यसैले कोरोनाले असर कम गर्छ भन्ने बहस निकै चल्यो । तर त्यही बहस चलिरहँदा नेपाल प्रवेश गरेको कोरोना भाइरसको संक्रमणले आज शनिबार ४ बजेसम्म २०७ जनाको ज्यान लिइसकेको छ ।
यसैगरी स्वास्थ्य तथा जनसंख्या मन्त्रालयले दिएको जानकारी अनुसार नेपालमा आज ८८४ जना नयाँ संक्रमित थपिएसँगै कुल कोरोना संक्रमितको संख्या ३७ हजार ३४० पुगिसकेको छ ।
गत २४ घण्टामा मात्रै देशका विभिन्न जिल्लामा गरी १२ जनाले ज्यान गुमाएका छन्। यसैगरी हाल १७५ जना संक्रमित आइसीयूमा उपचाररत छन् भने २२ जना सिकिस्त संक्रमितको भेन्टिलेटरमा उपचार भइहरेको छ ।
नेपालमा हाल १६ हजार ५७८ सक्रिय संक्रमित रहेका छन्। जो संस्थागत र होम आइसोलेसनमा रहेका छन्। यसैगरी हालसम्म कोरोनाको आशंकामा ६ लाख ६९ हजार ६२६ जनाको पीसीआर विधिमार्फत कोरोना परीक्षण गरिसकेको मन्त्रालयले जनाएको छ । संक्रमितमध्ये नेपालमा जम्म ५५ प्रतिशत मात्र निको भएका छन्।
हालसम्म कोरोना जितेर निको हुनेको कुल संख्या २० हजार ५५५ रहेको छ भने पछिल्लो २४ घण्टामा ३१३ जना कोरोना जितेर डिस्चार्ज भएका छन्।
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त
स्वास्थ्यमन्त्री उपेन्द्र यादवले दिए राजीनामा