१२ भदौ २०७७ , शुक्रबार

पोखरामा कोरोना संक्रमणबाट ५२ वर्षीय पुरुषको मृत्यु

हेल्थ टिभी अनलाइन\ पोखरा : पोखरामा थप एक जनाको कोरोना संक्रमणबाट मृत्यु भएको छ ।

पोखरा स्वास्थ्य विज्ञान प्रतिष्ठानमा उपचाररत कास्की जिल्ला पोखरा महानगरपालिका वडा नं १६ निवासी ५२ वर्षीय पुरुषको कोरोना संक्रमणका कारण मृत्यु भएको अस्पतालका निर्देशक डा अर्जुन आचार्यले जनाएका छन्।

डा आचार्यका अनुसार श्वासप्रश्वासमा समस्या आएपछि उनलाई आजै बिहान अस्पताल ल्याइएको थियो । उपचार शुरु गरिएपनि उनलाई बचाउन नसकिएको अस्पतालले जनाएको छ । उनी उच्च रक्तचाप र मधुमेहका समेत बिरामी रहेको अस्पतालले जनाएको छ ।

उनीसँगै प्रतिष्ठानमा कोरोना पोजेटिभ भएर उपचारका क्रममा मृत्यु हुनेको संख्या ६ पुगेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।