१२ भदौ २०७७ , शुक्रबार

भरतपुरको कलेज अफ मेडिकल साइन्सका एक जना चिकित्सकमा कोरोना पुष्टि

हेल्थ टिभी अनलाइन\ चितवन : चितवनस्थित कलेज अफ मेडिकल साइन्स भरतपुरका एक जना चिकित्सकमा कोरोना संक्रमण पुष्टि भएको छ ।

नवलपरासी जिल्ला गैंडाकोट घर भएका २९ वर्षीय चिकित्सकमा भरतपुर आस्पतालको प्रयोगशालामा गरिएको परीक्षणमा कोरोना संक्रमण पुष्टि भएको हो । यसवारे गण्डकी प्रदेश स्वास्थ्य निर्देशनालयले विज्ञप्ति जारी गरेको छ । उनीसँगै थप ३ जनामा कोरोना पुष्टि भएको पनि विज्ञप्तिमा उल्लेख छ ।

उनी केही समयदेखि भरतपुरको कलेज अफ मेडिकल साइन्स (पुरानो मेडिकल कलेज) मा कार्यरत छन्। उनलाई कोरोना पुष्टि भएपछि उनको सम्पर्कमा आएकाहरुको कन्ट्याक्ट ट्रेसिङ गर्ने कार्य शुरु गरिएको जनाइएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।