९ भदौ २०७७ , मङ्लबार

नेपालमा कोरोनाबाट ज्यान गुमाउनेको संख्या १६४ पुग्यो

हेल्थ टिभी अनलाइन\ काठमाडौं : नेपालमा कोरोना संक्रमणबाट ज्यान गुमाउनेको संख्या १६४ पुगेको छ ।

स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार गत २४ घण्टामा मात्रै ७ जनाको कोरोना संक्रमणबाट मृत्यु भएको छ । मंगलबार कोरोना संक्रमणबाट मृत्यु पुष्टि हुनेहरुमा काठमाडौंका ३, सिरहाका १ , पर्साका १, धनुषाका १ र रुपन्देहीका १ जना रहेका छन्।

आज मृत्यु हुनेमा एक जना महिला र ६ जना पुरुष रहेको पनि मन्त्रालयले जनाएको छ । योसँगै नेपालमा हालसम्म कोरोना संक्रमणबाट मृत्यु हुनेको संख्या १६४ पुगेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।