हेल्थ टिभी अनलाइन \काठमाडौं : नेपालमा २४ घण्टामा थप ८१८ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार आइतबार पुष्टि भएका संक्रमितको संख्यासहित कुल कोरोना संक्रमितको संख्या ३१ हजार ९३५ पुगेको छ । यसैगरी आज मात्रै २८१ जना संक्रमित कोरोना जितेर डिस्चार्ज भएका छन्। योसँगै नेपालमा कोरोना जितेर डिस्चार्ज हुनेको संख्या १८ हजार ६१ रहेको मन्त्रालयले जनाएको छ ।

मन्त्रालयका अनुसार कोरोनाको आशंकामा हाल क्वारेन्टाइनमा रहनेको संख्या ११ हजार ४१४ रहेको छ । यसैगरी संस्थागत आइसोलेसनमा ९ हजार २१२ जना छन भने होम आइसोलेसनमा ३ हजार ९४३ जना रहेका छन्।

मन्त्रालयका अनुसारआज मात्रै तीन जनाको कोरोना संक्रमणबाट मृत्यु भएको छ । नेपालमा कोरोनाबाट ज्यान गुमाउनेको संख्या १४९ पुगेको छ ।