हेल्थ टिभी अनलाइन\ काठमाडौं : नेपालमा थप ६३४ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार आज विभिन्न जिल्लामा गरी थप ६३४ जनामा कोरोना संक्रमण पुष्टि भएको हो । योसँगै नेपालमा कोरोना संक्रमितको संख्या ३१ हजार ११७ पुगेको छ । हालसम्म देशभर सक्रिय संक्रमितको संख्या १२ हजार ६२१ रहेको मन्त्रालयले जनाएको छ ।

मन्त्रालयका अनुसार हालसम्म कोरोना जितेर डिस्चार्ज हुनेको संख्या १८ हजार ३५० पुगेको छ । हालसम्म १३५ जना संक्रमित आइसीयूमा रहेका छन् भने १२ जना भेन्टिलेटरमा रहेका छन्। काठमाडौं उपत्यकामा मात्रै आज २१६ जनामा कोरोना संक्रमण पुष्टि भएको छ ।

हालसम्म कोरोनाबाट १४६ जनाले ज्यान गुमाएका छन्।