हेल्थ टिभी अनलाइन \चितवन : चितवनको भरतपुरस्थित भरतपुर अस्पतालको आकस्मिक कक्ष बिहिबारदेखि सिल गरिएको छ ।

अस्पतालको आकस्मिक कक्षमा कार्यरत स्वास्थ्यकर्मीमा कोरोना संक्रमण भएपछि अस्पतालले अन्य बिरामीलाई संक्रमणबाट जोगाउनका लागि भन्दै आकस्मिक कक्ष सिल गर्ने निर्णय गरेको जनाएको छ । बिहिबार मात्रै अस्पतालका स्वास्थ्यकर्मीसहित १६ जनामा कोरोना संक्रमण पुष्टि भएको थियो ।

अस्पतालले जारी गरेको विज्ञप्तिमा लेखिएको छ , ‘मिति २०७७ साल साउन २९ गते यस अस्पतालको आकस्मिक कक्षमा कार्यरत स्वास्थ्यकर्मीलाई कोभिड -१९ संक्रमण देखिएकाले आज साउन २९ गते राती ८ बजेदेखि अर्को सूचना जारी नभएसम्मका लागि आकस्मिक सेवा सिल गरिएको छ ।’

अस्पतालले जारी गरेको सूचना: