२६ साउन २०७७ , सोमवार

एकै दिन काठमाडौंका २ जनाको कोरोनाबाट मृत्यु

हेल्थ टिभी अनलाइन \काठमाडौं : नेपालमा कोरोना संक्रमणबाट मृत्यु हुनेको संख्या बढ्दो छ ।

आज मात्रै काठमाडौंका दुई जनाको कोरोना संक्रमणबाट मृत्यु भएको छ । स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार आज बिहान ५ बजे मेडिसिटी अस्पतालमा ६४ वर्षीय पुरुषको मृत्यु भएको थियो भने बिहान १० बजे दिउँसो मेडिकेयर अस्पतालमा ७६ वर्षीय पुरुषको कोरोनाबाट मृत्यु भएको हो ।

मेडिसिटी अस्पतालमा मृत्यु हुने पुरुष किर्तीपुर ट्याङलाफाँटका स्थानीय बासिन्दा हुन् भने मेडिकेयर अस्पतालमा मृत्यु हुने संक्रमित काठमाडौं मध्यबानेश्वरका स्थानीय हुन्।

यसरी नेपालमा कोरोनाबाट मृत्यु हुनेको संख्या ७९ पुगेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।