बाँकेमा आजबाट तीन दिनसम्म लकडाउन
हेल्थ टिभी अनलाइन\ बाँके: बाँकेमा आजबाट पुन लकडाउन शुरु भएको छ । कोरोना संक्रमण समुदाय स्तरमा फैलिएको भन्दै बाँके प्रशासनले पहिलो चरणमा तीन दिनका लागि लकडाउन अर्थात निशेधाज्ञा जारी गरेको हो ।
बाँकेमा शुरुमा संक्रमितको संख्या धेरै नै भए पनि बीचमा संख्या घटेको थियो । तर लकडाउन खुलेसँगै पुन संक्रमितको संख्या एकैपटक बढेपछि बाँकेका प्रमुख जिल्ला अधिकारी रामबहादुर कुरुम्बाङको संयोजकत्वमा बसेको कोरोना संकट व्यवस्थापन समितिको बैठकले तीन दिनसम्म पूर्णरुपमा निषेधाज्ञा जारी गर्ने निर्णय गरेको हो ।
बाँकेमा सरकारी कार्यालय र समुदायस्तरमा गरिएको परीक्षणमा शुक्रबार एकैदिन २७ जनालई कोरोना संक्रमण पुष्टि भएको थियो ।
सेवाग्राहीको बढी भिडभाड हुने आन्तरिक राजश्व कार्यालय, यातायात व्यवस्था कार्यालयका कर्मचारी एवं मिठाइ पसल सञ्चालकमा समेत कोरोना देखिएपछि बाँकेमा कोरोना समुदायस्तरमा फैलिएको आशंका गरिएको भन्दै सतर्कता अपनाईको बताइएको छ ।
आजदेखि सात जिल्लामा हात्तिपाइले विरुद्धको औषधि खुवाइँदै
दीर्घ जीवनका लागि रिस त्याग्नुहोस्, शान्त रहनुहोस
बसाइ नमिल्दा ढाड दुख्ने समस्या !
काठमाडौंमा १७ जना औंलोको बिरामी, सबै आयातित
स्वास्थ्य मन्त्रालयले भन्यो, सरकारी अस्पतालमा काम गर्ने अनि निजीको विज्ञापन गर्न कहाँ पाइन्छ ?