१८ साउन २०७७ , आइतवार

म्याग्नस फर्मामा कार्यरत कर्मचारीमा कोरोना संक्रमण

हेल्थ टिभी अनलाइन \काठमाडौं : बारास्थित औषधि कम्पनी म्याग्नस फर्मामा काम गर्ने कर्मचारीमा पनि कोरोना संक्रमण पुष्टि भएको छ ।

बाराको रामपुर टोकनी गाउँपालिकामा अवस्थित औषधि कम्पनी म्याग्नस फर्मामा कार्यरत ५ जना कर्मचारीमा कोरोना पुष्टि भएको हाे । कम्पनीमा काम गर्ने कर्मचारीमा कोरोना संक्रमण देखिएपछि अन्यको पनि स्वाब संकलन गरेर परीक्षण गर्ने बताइएकाे छ ।

उनले उनीहरु मध्ये धेरै जना एउटै रुम सेयर गरेर बस्ने भएकाले पनि संक्रमण देखिएको हुनसक्ने अनुमान गरिएकाे छ । उनीहरु त्यहींको स्थानीयहरु भएको बताइएको छ । म्याग्नस फर्मा नेपालको अग्रणी औषधि कम्पनी हो । जसको मुख्य कार्यालय वीरगंजमा रहेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।