५ साउन २०७७ , सोमवार

गण्डकी प्रदेशमा थप १२ जनामा कोरोना संक्रमण, १८ सय बढी क्वारेन्टाइनमा

हेल्थ टिभी अनलाइन \काठमाडौं : गण्डकी प्रदेशमा थप १२ जनामा कोरोना संक्रमण पुष्टि भएको छ ।

गण्डकी प्रदेश स्वास्थ्य निर्देशनालयले विज्ञप्ति जारी गर्दै सोमबार ४ जिल्लामा गरी थप १२ जनामा कोरोना संक्रमण देखिएको जनाएको हो । योसँगै गण्डकी प्रदेशमा कोरोना संक्रमितको संख्या १३ सय १७ पुगेको छ । पोखरा स्वास्थ्य विज्ञान प्रतिष्ठान र क्षयरोग केन्द्र पोखरामा गरिएको परीक्षणमा कास्कीका ८ जना, तनहुँका १ जना, लमजुङका १ जना र स्याङ्जाका १ जनामा संक्रमण पुष्टि भएको हो ।

निर्देशनालयका अनुसार संक्रमितको स्वास्थ्य अवस्था सामान्य रहेको छ र उनीहरुलाई सम्बन्धित जिललाको आइसोलेसन सेन्टरमा लैजाने तयारी भइरहेको छ । यसैगरी गण्डकी प्रदेशमा हाल क्वारेन्टाइनमा रहेका व्यक्तिहरुको संख्या १८ सय २४ रहेको निर्देशनालयले जनाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।