४ साउन २०७७ , आइतवार

गण्डकी प्रदेशमा आइतबार थपिए १२ जना संक्रमित

हेल्थ टिभी अनलाइन \काठमाडौं : गण्डकी प्रदेशमा थप १२ जनामा कोरोना संक्रमण पुष्टि भएको छ ।

गण्डकी प्रदेश स्वास्थ्य निर्देशनालयले विज्ञप्ति जारी गर्दै थप १२ जनामा कोरोना देखिएको जनाएको हो । योसँगै गण्डकी प्रदशेमा कोरोना संक्रमितको संख्या १३ सय २ पुगेको छ ।

पोखरा स्वास्थ्य विज्ञान प्रतिष्ठानमा गरिएको परीक्षणमा लमजुङका ६ जना र कास्कीका ६ जना मा कोरोना संक्रमण पुष्टि भएको निर्देशनालयले जनाएको छ ।

संक्रमित सबैको स्वास्थ्य अवस्था सामान्य रहेको छ उनीहरुलाई आइसोलसन सेन्टरमा लैजाने तयारी भइरहेको पनि निर्देशनालयका निर्देशक डा विनोद विन्दु शर्माले जनाएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।