हेल्थ टिभी अनलाइन\ काठमाडौं : नेपालमा थप ११८ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार आज विभिन्न जिल्लाको प्रयोगशालामा गरिएको परीक्षणमा थप ११८ जनामा कोरोना संक्रमण पुष्टि भएको हो । योसँगै नेपालमा कोरोना संक्रमितको संख्या १६ हजार ६४९ पुगेको छ ।

मन्त्रालयका अनुसार हाल सम्म ८ हजार ६०३ जना संक्रमितको विभिन्न अस्पतालको आइसोलेसन सेन्टरमा उपचार भइहरेको छ । गत २४ घण्टामा १२० जना कोरोना जितेर डिस्चार्ज भएका छन्। योसँगै हालसम्म नेपालमा कोरोना जितेर डिस्चार्ज हुनेको संख्या ८ हजार ११ पुगेको छ । यसैगरी शुक्रबारसम्म कोरोनाको आशंकामा क्वारेन्टाइनमा रहनेको संख्या २३ हजार ९१० रहेको छ ।

नेपालमा कोरोनाबाट ३५ जनाले ज्यान गुमाएका छन्।