२६ असार २०७७ , शुक्रबार

गण्डकी प्रदेशमा थप १३ जनामा कोरोना पुष्टि

हेल्थ टिभी अनलाइन \काठमाडौं : गण्डकी प्रदेशमा थप १३ जनामा कोरोना संक्रमण पुष्टि भएको छ ।

गण्डकी प्रदेश स्वास्थ्य निर्देशनालयले विज्ञप्ति जारी गर्दै शुक्रबार थप १३ जनामा कोरोना पुष्टि भएको जनाएको हो । योसँगै गण्डकी प्रदेशमा कोरोना संक्रमितको संख्या १ हजार १६२ पुगेको छ ।

निर्देशनालयका अनुसार आज संक्रमण पुष्टि हुनेहरुमा तनहुँका ८ जना, बाग्लुङका १ जना, पर्वतका १ जना, गोरखाका १ जना र नवरपरासी बर्दघाट सुस्ता पूर्वका २ जना गरी १३ जना रहेका छन्। उनीहरुको क्षयरोग केन्द्र पोखरा र पोखरा स्वास्थ्य विज्ञान प्रतिष्ठानमा गरिएको परीक्षणमा कोरोना भाइरस संक्रमण पुष्टि भएको हो ।

गण्डकी प्रदेशमा कोरोना जितेर आइसोलेसन सेन्टरबाट घर जानेको संख्या ६३३ पुगेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।