२५ असार २०७७ , बिहिबार

पेन्सन बुझ्न भारत पुगेका बैतडीका १ पुरुषको मृत्यु, कोरोना परीक्षण हुँदै

हेल्थ टिभी अनलाइन\ डडेल्धुरा: बुधबार बैतडीको झुलाघाट नाका खुलेपछि पेन्सन बुझ्न भारत पुगेका बैतडीका १ जनाको मृत्यु भएको छ। मृत्यु हुनेमा जिल्लाको दशरथचन्द नगरपालिका–८ त्रिपुराका ८२ बर्षीय धनसिंह रावल रहेका छन्।

पेन्सन लिन भारतको झुलाघाटको बैंकमा लाइनमा बसेकै बेला एक्कासी ढलेका रावलको उपचारको लागि अस्पताल लैजादै गर्दा मृत्यु भएको बैतडीका प्रहरी निरीक्षक गौरीप्रसाद जैशीले जानकारी दिएका छन्।

उनका अनुसार मृतकको कोरोना परिक्षणका लागि स्वाव संकलन गरिएको छ । मृतक रावल भारतीय सेनाबाट सेवानिवृत्त रहेका थिए। मृतक रावल लामो समयदेखि दम र श्वासप्रश्वासका रोगी रहेको बुझिएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।