२१ असार २०७७ , आइतवार

कर्णाली प्रदेशमा कोरोना जितेर डिस्चार्ज हुनेको संख्या १२ सय नाघ्यो

हेल्थ टिभी अनलाइन\ काठमाडौं: कर्णाली प्रदेशमा कोरोना संक्रमण जितेर डिस्चार्ज हुनेको संख्या १२ सय नाघेको छ ।

कर्णाली प्रदेशको सामाजिक विकास मन्त्रालयको अनुसार पछिल्लो २४ घण्टामा विभिन्न आइसोलेसनबाट २३ जना डिस्चार्ज भएसँगै कुल डिस्चार्ज हुनेको संख्या १२ सय एक पुगेको हो ।

शनिबार कर्णाली प्रदेशमा थप ६ जना कोरोना संक्रमित थपिएका छन् । जिल्ला अस्पताल दैलेख र राष्ट्रिय जनस्वास्थ्य प्रयोगशाला काठमाडौंमा गरिएको परीक्षणमा थप ६ जनामा संक्रमण पुष्टि भएको हो ।

योसँगै कर्णालीमा कोरोना संक्रमितको संख्या १४ सय८९ पुगेको छ । कर्णालीमा कोभिड- १९ संक्रमण पुष्टि भएका मध्ये ६ जनाको मृत्यु भइसकेको छ । हाल सम्म त्यहाँ २८२ जना संक्रमित विभिन्न आइसोलेसन सेन्टरमा उपचाररत छन् ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।