२० असार २०७७ , शनिबार

नेपालमा थप एक कोरोना संक्रमितको मृत्यु, मृतकको संख्या ३३ पुग्यो

गोरखाका ४४ वर्षीय पुरुषले गुमाए ज्यान

हेल्थ टिभी अनलाइन\ काठमाडौं : नेपालमा थप एक जनाको कोरोना संक्रमणबाट मृत्यु भएको छ ।

गोरखा पालुङटार नगरपालिका वडा नं ७ निवासी ४४ वर्षीय पुरुषको कोरोना संक्रमणबाट मृत्यु भएको हो । गोरखा अस्पतालले कोरोना संक्रमण पुष्टि भएका उनको शनिबार बिहान उपचारकै क्रममा मृत्यु भएको विज्ञप्ति निकाल्दै जानकारी दिएको छ ।

अस्पतालले उनी शुक्रबार राती आइसोलेसनमा भर्ना भएको र शनिबार बिहान ५: ०५ बजे उपचारकै क्रममा मृत्यु भएको जनाएको छ।अस्पतालका निमित्त मेडिकल सुपरिटेन्डेन्ट डा नविन थापाका अनुसार मृत्यु भएका संक्रमित व्यक्ति मधुमेहका दीर्घरोगी समेत रहेका थिए ।

शुक्रबार मात्रै काठमाडौं नयाँ बानेश्वरका ८५ वर्षीय पुरुषको कोरोनाबाट मृत्यु भएको पुष्टि भएको थियो । योसँगै नेपालमा कोरोना संक्रमणबाट मृत्यु हुनेको संख्या ३३ पुगेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।