१९ असार २०७७ , शुक्रबार

काठमाडौं नयाँ बानेश्वरका एक पुरुषको कोरोनाबाट मृत्यु

आज एकैदिन थपिए ७४० संक्रमित

हेल्थ टिभी अनलाइन\काठमाडौं : नेपालमा कोरोना संक्रमणबाट थप एक जनाको मृत्यु भएको छ ।

स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले थप एकजनाको कोरोनाबाट मृत्यु भएको जनाएका हुन्। डा गौतमका अनुसार काठमाडौंको बानेश्वर निवासी ८५ वर्षीय पुरुषको कोरोनाबाट मृत्यु भएको हो ।

उनी उच्च रक्तचाप र पार्किन्सन्सका बिरामी रहेको र छाती दुखेपछि राजधानीकै एक निजी अस्पताल भर्ना भएको बताइएकाे छ । उनको उपचारकै क्रममा बिहिबार मृत्यु भएको थियो ।

मृत्यु पश्चात उनमा आज कोरोना पुष्टि भएको डा गाैतमले बताए । योसँगै नेपालमा कोरोनाबाट मृत्यु हुनेको संख्या ३२ पुगेको छ । शुक्रबार मात्रै नेपालमा ७४० जना कोरोना संक्रमित थपिएको पनि मन्त्रालयले जनाएको छ । योसँगै नेपालमा कोरोना संक्रमितको कुल संख्या १५ हजार २५९ पुगेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।