१६ असार २०७७ , मङ्लबार

काठमाडौं उपत्यकामा थप १४ जनामा कोरोना संक्रमण पुष्टि

हेल्थ टिभी अनलाइन\काठमाडौं: काठमाडौं उपत्यकाका तीन जिल्लामा गरी थप १४ जनामा कोरोना भाइरस संक्रमण पुष्टि भएको छ ।

मंगलबार स्वास्थ्य तथा जनसंख्या मन्त्रालयको नियमित मिडिया ब्रिफिङमा मन्त्रालयका प्रवक्ता डा जागेश्वर गौतमले काठमाडौंमा १२, ललितपुरमा १ र भक्तपुरमा १ गरी १४ जनामा कोरोना संक्रमण देखिएको बताएका हुन्।

यो संख्यासहित आज नेपालमा ३१६ जना नयाँ संक्रमित थपिए । मन्त्रालयका अनुसार हालसम्म नेपालमा कोरोनाबाट संक्रमित हुनेको संख्या १३ हजार ५६४ पुगेको छ भने २९ जनाको कोरोनाबाट मृत्यु भएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।