भारतमा कोरोना संक्रमितको संख्या ५ लाख नजिक, एकैदिन थपिए १७ हजार बढी संक्रमित
हेल्थ टिभी अनलाइन : भारतमा कोरोना संक्रमितको संख्या ५ लाख नजिक पुगेको छ ।
भारतीय केन्द्रीय स्वास्थ्य मन्त्रालयका अनुसार शुक्रबार बिहानसम्म भारतमा ४ लाख ९१ हजार १७० जनामा कोरोना संक्रमण पुष्टि भएको छ । गत २४ घण्टामा मात्रै त्यहाँ १७ हजार २९६ जना संक्रमित थपिएका छन् भने ४०७ जनाको कोरोनाबाट ज्यान गएको बताइएको छ ।
हालसम्म भारतमा कोरोना संक्रमित मध्ये १५ हजार ३०१ जनाको मृत्यु भएको छ । त्यहाँ कोरोना जितेर घर फर्किनेको संख्या नै २ लाख ८५ हजार बढी रहेको छ । भारतमा हालसम्म ७७ लाख ७६ हजार २२८ जनाको कोरोना परीक्षण गरिएको भारतीय स्वास्थ्य मन्त्रालयले जनाएको छ ।
आत्महत्यासम्बन्धी जिम्मेवार रिपोर्टिङका लागि सञ्चारकर्मीलाई अभिमुखीकरण
बुढ्यौलीमा पनि अधिकार र सम्मानको खाँचो
पत्रकारका लागि फेलोसिप र तालिमको अवसर
औषधि खाँदा के कुरामा ध्यान दिने ?
मधुमेहका बिरामीले दशैँमा कसरी मिलाउने खानपान ?