११ असार २०७७ , बिहिबार

कोरोनाबाट मृत्यु भएका व्यक्तिको शव व्यवस्थापन गर्न खोज्दा पोखरामा झडप

हेल्थ टिभी अनलाइन\ काठमाडौं: कोरोना भाइरसको संक्रमणबाट मृत्यु भएका स्याङ्जाका ५५ वर्षीय पुरुषको शव व्यवस्थापन गर्न खोज्दा पोखरामा स्थानीय र प्रहरीविच झडप भएकाे छ ।

पश्चिमाञ्चल क्षेत्रीय अस्पतालको आइसीयूमा उपचारका क्रममा ती संक्रमित व्यक्तिको बुधबार राती मृत्यु भएको थियो । उनको शवलाई पोखरा महानगरपालिका–३१ मजुवामा रहेको सेतीघाटमा व्यवस्थापन गर्न खोज्दा स्थानीयले टायर बालेर विरोध प्रर्दशन गरेका छन् । झडपकाविच पनि नेपाली सेनाले उनको शव भने व्यवस्थापन गरेको छ।

शव गाड्नका खाल्डो बनाउँदै गर्दा स्थानीयले घाटतर्फ जाने बाटो केही समय अवरोध समेत गरेका थिए । स्थिति नियन्त्रणमा लिन प्रहरीले हस्तक्षप गर्दा सामान्य झडप समेत भएको थियो । झडपमा केही स्थानीय घाइते भएको प्रहरीले जानकारी दिएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।