११ असार २०७७ , बिहिबार

संक्रमितको मृत्यु भएपछि पश्चिमाञ्चल क्षेत्रीय अस्पतालकाे इमर्जेन्सी बाहेकका सबै सेवा बन्द

हेल्थ टिभी अनलाइन\ काठमाडौं: पोखराको पश्चिमाञ्चल क्षेत्रीय अस्पतालमा कोरोना संक्रमितको मृत्युपछि आज इमर्जेन्सी बाहेकका सबै सेवा बन्द हुने भएको छ ।

अस्पतालमा बुधबार कोरोना संक्रमितको मृत्यु भएपछि शव व्यवस्थापन र अस्पताल डिस्इन्फेक्ट गर्न पर्ने भएकाले इमर्जेन्सी बाहेककाे अन्य सेवा बन्द गरिएको अस्पतालका निर्देशक डा अर्जुन आचार्यले बताए । उनले शव व्यवस्थापनपछि शुक्रबारदेखि पुन: सेवा शुरु हुने जानकारी दिए ।

मधुमेह र निमोनियाबाट ग्रसित स्याङ्जाको आँधीखोला गाउँपालिका सिरुवारीका पुरुष उपचारका लागि गत असार ८ गते अस्पताल भर्ना भएका थिए । बुधबार राती उनको उपचारकै क्रममा मृत्यु भएको हो ।

योसहित गण्डकी प्रदेशमा कोरोनाबाट ज्यान गुमाउनेको संख्या २ पुगेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।