९ असार २०७७ , मङ्लबार

नेपालमा कोरोनाबाट थप एक जनाको मृत्यु

हेल्थ टिभी अनाइन\काठमाडौं : नेपालमा कोरोना भाइरसको संक्रमणका कारण थप एक जनाको मृत्यु भएको छ ।

दैलेख दुल्लु नगरपालिका-३ का ४५ वर्षीय युवकको हिजो राती मृत्यु भएको स्वास्थ्य मन्त्रालयले जनाएको छ । प्रादेशिक अस्पताल सुर्खेतको आइसोलेसनमा उपचार गराइरहेका उनी क्षयरोग र दमको समेत बिरामी रहेको मन्त्रालयका प्रवक्ता डा जागेश्वर गौतमले बताए ।

गत असार ३ गते उनलाई दैलेखको दुल्लु अस्पतालबाट रिफर गरी थप उपचारका लागि सुर्खेत पठाइएको थियो । सुर्खेतमा उनको कोरोना परीक्षण गर्दा असार ४ गते कोरोना पाजेटिभ पाइएपछि उनको सोही अस्पतालको आइसोलेसनमा उपचार हुँदै गर्दा सोमबार राती मृत्यु भएको मन्त्रालयले जनाएको छ । योसँगै नेपालमा कोरोनाबाट मृत्यु हुनेकाे संख्या २४ पुगेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।