३ असार २०७७ , बुधबार

बर्दियामा एकैपटक थपिए ३१ जना कोरोना संक्रमित

हेल्थ टिभी अनलाइन\ काठमाडौं: बर्दियामा एकैपटक ३१ जना कोरोना संक्रमित थपिएका छन्।

भेरी अस्पतालको प्रयोगशालामा बुधबार गरिएको परीक्षणमा बर्दिया जिल्लाका ३० जना पुरुष र १ जना महिला गरी ३१ जनामा कोरोना संक्रमण पुष्टि भएको हो ।

अस्पतालले विज्ञप्ति जारी गर्दै बर्दियामा ३१ जनामा कोरोना संक्रमण देखिएको पुष्टि गरेको छ । अस्पतालका अनुसार आज संक्रमण पुष्टि हुनेहरुमा बर्दिया बढैयातालका २६ जना, राजापुर ५ का एक जना र बाँसगढीका ३ जना रहेका छन्।

याेसँगै आज बाँके वैजनाथ ६ की ४६ वर्षकी महिलाको कोरोनाका कारण मृत्यु भएको पुष्टि भएकाे छ । उनको मृत्यु सोमबार नै भएको भए पनि रिपोर्ट हिजो मंगलबार राती मात्र आएको हो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।