२८ जेष्ठ २०७७ , बुधबार

चितवनमा थप ४ जनामा कोरोना संक्रमण

हेल्थ टिभी अनलाइन\ काठमाडौं : चितवनमा आज थप ४ जनामा कोरोना संक्रमण पुष्टि भएको छ ।

भरतपुर अस्पताल कोभिड-१९ प्रयोगशालामा गरिएको परीक्षणमा आज ४ जनामा कोरोना संक्रमण पुष्टि भएको हो । अस्पतालका अनुुसार यसरी संक्रमण हुनेहरुमा गैंडाकोट नगरपालिका १३ र १४ का २३ र २६ वर्षका पुरुष, कालिका वडा नं ६ जुटपानीका २० वर्षका पुरुष एवं भरतपुर ५ का २८ वर्षका पुरुषमा कोरोना संक्रमण पुष्टि भएको हो ।

प्रयोगशालामा जेठ २५ र २६ गते संकलन भएका मध्ये १३७ वटा नमुना परीक्षण गरिएकोमा १३३ वटा नमुनाको रिपोर्ट भने नेगेटिभ आएको अस्पतालले जनाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।