२४ जेष्ठ २०७७ , शनिबार

खजुराकी संक्रमित नर्सले जितिन कोरोना, आज डिस्चार्ज हुँदै

हेल्थ टिभी अनलाइन\ काठमाडौं : बाँके खजुराकी संक्रमित नर्सले कोरोना जितेर आज डिस्चार्ज हुने भएकी छिन्। जेठ ८ गते भेरी अस्पतालको प्रयोगशालामा गरिएको परीक्षणमा उनमा कोरोना पुष्टि भएको थियो । कोरोना पुष्टि भएपछि खजुरास्थित सुशील कोइराला प्रखर क्यान्सर अस्पतालको आइसोलेसनमा रहेकी उनको दुईपटकसम्म गरिएको परीक्षणमा रिपोर्ट नेगेटिभ आएपछि आज डिस्चार्ज हुन लागेकी हुन्।

नर्समा कोरोना पुष्टि भएपछि उनका श्रीमानमा पनि कोरोना परीक्षण गर्दा पोजेटिभ देखिएको थियो । त्यसपछि दुबै जना क्यान्सर अस्पतालको आइसोलेसनमा रहेका थिए ।

उनीसँगै उनको श्रीमानको पनि रिपोर्ट नेगेटिभ आएको छ । दुबैजना कोरोना जितेर आज डिस्चार्ज हुन लागेको उनले हेल्थ टिभी अनलाइनलाई बताइन्। उनीहरु दुबै जनाको रिपोर्ट शुक्रबार नै नेगेटिभ आएको हो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।