१५ जेष्ठ २०७७ , बिहिबार

भारतमा २४ घण्टामा ६ हजार ५६६ नयाँ संक्रमित थपिए

हेल्थ टिभी अनलाइन\ काठमाडौं : भारतमा गत २४ घण्टामा मात्रै ६ हजार ५६६ जना नयाँ कोरोना संक्रमित थपिएका छन्। यसैगरी एकैदिनमा १९४ जनाले कोरोना संक्रमणका कारण ज्यान गुमाएका छन्।

भारतीय स्वास्थ्य मन्त्रालयका अनुसार बिहिबार बिहानसम्म १ लाख ५८ हजार ३३३ जनामा कोरोना संक्रमण पुष्टि भएको छ । ती मध्ये ४ हजार ५ सय ३१ जनाले ज्यान गुमाएका छन्। यसैगरी ६७ हजार ६९२ जनाले कोरोना जितेर उपचारपछि घर फर्केका छन्।

भारतमा सबैभन्दा बढी प्रभावित महाराष्ट्र बनेको छ । महाराष्ट्रमा मात्रै ५६ हजार ९४८ जना संक्रमित पुष्टि भएका छन्। साथै १ हजार ८ सय ९७ जनाको कोरोना संक्रमणको कारण मृत्यु भएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।