किस्ट अस्पतालमा मृत्यु भएका संक्रमित लिभर सिरोसिस भएका बिरामी
हेल्थ टिभी अनलाइन\ काठमाडौं : ललितपुर बुङमतीका ५७ वर्षीय एक जना व्यक्तिको बुधबार साँझ किस्ट अस्पतालमा मृत्यु भएको छ । लिभर सिरोसिसका बिरामी उनलाई टेकुस्थित राष्ट्रिय जनस्वास्थ्य प्रयोगशालामा जाँच गर्दा कोरोना देखिएको थियो ।
इपिडिमियोलोजी तथा रोग नियन्त्रण महाशाखाका निर्देशक डा बासुदेव पाण्डेले उनी लिभर सिरोसिस भइसकेका बिरामी भएको र बेहास भएपछि पाटन हुँदै किस्ट अस्पताल लगिएको बताए । ज्वरो समेत आएकाले उनको जाँच गर्दा कोरोना देखिएको डा पाण्डेको भनाई छ ।
उनले भने, ‘उहाँको कलेजोको पुरानै रोग रहेछ त्यसमा कोरोना संक्रमण पनि थपियो । सक्रमण कसरी र कोबाट भयो भन्ने विषयमा हामी खोजी गर्दैछौं ।’ उनको शवलाई कसरी व्यवस्थापन गर्ने र उनीसँग सम्पर्कमा आएका व्यक्तिहरुको कन्ट्याक्ट ट्रेसिङ गर्ने कार्यका लागि किस्ट अस्पतालमा अहिले मिटिङ भइरहेको उनले जानकारी दिए । यस विषयमा स्वास्थ्य मन्त्रालयले केहीबेरमा विज्ञप्ति निकाल्ने तयारी गरेको पनि उनले जानकारी दिए । उनीसँगै नेपालमा कोरोना संक्रमणका कारण ५ जनाले ज्यान गुमाएका छन्।
क्यान्सर भएको पुष्टि भएका यूकेका राजा चार्ल्सले पुनः सार्वजनिक दायित्व निर्वाह गर्ने
न्युरोसाइन्स सम्बन्धी १४ दिने अन्तराष्ट्रिय वर्कशप काठमाडौंमा
कान्ति बाल अस्पतालले माग्यो ठूलो संख्यामा चिकित्सक तथा नर्स
जुनसुकै पालिकाको भए पनि अशक्त र गरिब नागरिकलाई काठमाडौं महानगरले नि:शुल्क उपचार दिने
डा सन्दीपलाई प्रश्न : घुँडा किन दुख्छ, कसरी बच्ने ?