१३ जेष्ठ २०७७ , मङ्लबार

स्वास्थ्यकर्मीको ड्युटी आलोपालो मिलाउन मन्‍त्रालयको निर्देशन

हेल्थ टिभी अनलाइन\ काठमाडौं : स्वास्थ्य तथा जनसंख्या मन्त्रालयले अस्पतालमा स्वास्थ्यर्मीको ड्यूटी आलोपालो मिलाउन निर्देशन दिएको छ।

मन्त्रालयले मंगलबार सूचना जारी गर्दै कोरोना भाइरसको महामारीका बेला स्वास्थ्य सेवालाई चुस्तदुरुस्त बनाउन देशभरका अस्पताललाई स्वास्थ्यकर्मीलाई एकैपटक ड्युटीमा नराखी आलोपालो मिलाउन निर्देशन दिएको हो।

मन्त्रालयले जारी गरेको सूचनामा भनिएको छ , ‘कोभिड १९ रोकथाम तथा व्यवस्थापन गर्दा स्वास्थ्यकर्मी तथा सहयोगीहरु संक्रमित भई सेवा प्रवाहमा कठिनाई हुन सक्ने हुँदा सबै अस्पतालले उपलब्ध जनशक्तिलाई सुरक्षित र व्यवस्थित गर्न दुई समूह बनाई आलोपालो ड्युटी लगाई (एउटा टोली एक हप्ता एउटा टोली अर्को हप्ता) गरी सेवा निरन्तरताको सुनिश्चता गर्न अनुरोध छ।’

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।