ग्रान्डीका संक्रमित कर्मचारीलाई पाटन अस्पतालको आइसोलेसनमा लगियो
संक्रमित कर्मचारीले काम गर्ने विभाग सिल गरियो
हेल्थ टिभी अनलाइन\ काठमाडौं : कोरोना संक्रमण पुष्टि भएका ग्रान्डी अस्पतालका कर्मचारीलाई पाटन अस्पतालको आइसोलसनमा लगिएको छ ।
इपिडिमियोलोजी तथा रोग नियन्त्रण महाशाखाका निर्देशक डा वासुदेव पाण्डेले आज कोरोना पुष्टि भएका ग्रान्डीका एक जना कर्मचारीलाई पाटन अस्पतालको आइसोलेसनमा लगिएको बताए । उनले भने, ‘उहाँलाई उपचारका लागि भर्खर पाटन लगिएको छ । साथै उहासँग सम्पर्कमा आएका व्यक्तिहरुको कन्ट्याक्ट ट्रेसिङ गर्ने काम समेत अघि बढिसकेको छ ।’ उता अस्पतालमा उनी कार्यरत विभागलाई सिल गरिएको पनि डा पाण्डेले जानकारी दिए ।
स्वास्थ्य तथा जनसंख्या मन्त्रालयले शनिबार बिहान काठमाडौंका ३५ वर्षीय पुरुषमा कोरोना भएको उल्लेख गरेको थियो । स्रोतका अनुसार उनी ग्रान्डी अस्पतालको ल्याबमा काम गर्ने कर्मचारी हुन्।
आत्महत्यासम्बन्धी जिम्मेवार रिपोर्टिङका लागि सञ्चारकर्मीलाई अभिमुखीकरण
बुढ्यौलीमा पनि अधिकार र सम्मानको खाँचो
पत्रकारका लागि फेलोसिप र तालिमको अवसर
औषधि खाँदा के कुरामा ध्यान दिने ?
मधुमेहका बिरामीले दशैँमा कसरी मिलाउने खानपान ?