३१ बैशाख २०७७ , बुधबार

संक्रमितको उपचारमा खटिएकी थप एक जना नर्समा कोरोना संक्रमण

हेल्थ टिभी अनलाइन \काठमाडौं: वीरगञ्जस्थित नारायणी अस्पतालमा कार्यरत एक जना नर्समा पनि कोरोना संक्रमण भएको छ।

पछिल्लो समय अस्पतालमा कोरोना संक्रमितहरुको उपचारमा खटिएकी नर्समा कोरोना पोजेटिभ देखिएको हो । अस्पतालमा कार्यरत ३६ वर्षीय एक जना नर्समा कोरोना रिपोर्ट पोजेटिभ आएको अस्पतालका मेसु डा मदनकुमार उपाध्यायले बताए। उनका अनुसार संक्रमित नर्समा कुनै लक्षण नै छैन्। उनको स्वास्थय अवस्था पनि सामान्य छ ।

स्वास्थ्य मन्त्रालयका अनुसार आजै २६ जनामा कोरोना पोजेटिभ भएको पुष्टि भएको छ । यसअघि हिजोमात्र तौलिहवा अस्पतालमा कार्यरत नर्समा कोरोना पुष्टि भएको थियो । यो सँगै नेपालमा दुई जना स्वास्थ्यकर्मीमा कोरोना देखिएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।