३१ बैशाख २०७७ , बुधबार

आज थप दुई जनामा कोरोना पुष्टि, संक्रमितको संख्या २१९ पुग्यो

हेल्थ टिभी अनलाइन\ काठमाडौं: नेपालमा थप दुई जनामा कोरोना संक्रमण देखिएको छ ।

स्वास्थ्य तथा जनसंख्या मन्त्रालयका अनुसार टेकुस्थित राष्ट्रिय जनस्वास्थ्य प्रयोगशालामा परीक्षण गर्दा कपिलवस्तुका एक जना र धुलिखेल अस्पतालमा परीक्षण गर्दा नेपालगंजका एक जनामा कोरोना देखिएको हो।

मन्त्रालयले बुधबार विज्ञप्ति जारी गर्दै कपिलवस्तु नगरपालिका- ५ निवास २२ वर्षीय पुरुष र बाँके- ८ निवासी ३६ वर्षीय पुरुषमा कोरोना पोजेटिभ भएको जानकारी दिएको हो । योसँगै नेपालमा संक्रमितको संख्या २१९ पुगेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।