२९ बैशाख २०७७ , सोमवार

नेपालमा थप १० जनामा कोरोना संक्रमण, संक्रमितको संख्या १२० पुग्यो

हेल्थ टिभी अनलाइन \काठमाडौं: नेपालमा कोरोना संक्रमित थपिने क्रम बढ्दै गएको छ । आजै मात्र थप १० जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका सहप्रवक्ता डा समीरकुमार अधिकारीका अनुसार कपिलवस्तुका १० जनामा एकैपटक कोरोना पोजेटिभ देखिएको हो ।

उनीहरुको काठमाडौंको टेकुस्थित राष्ट्रिय जनस्वास्थ्य प्रयोगशालामा आइतबार परीक्षण गर्दा कपिलवस्तु यशोधरा गाउँपालिका -५, बुद्धभुमी नगरपालिका -७ र १० निवासी १८ देखि ३४ वर्षका पुरुषहरुमा कोरोना पोजेटिभ देखिएको मन्त्रालयले जनाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।