२५ बैशाख २०७७ , बिहिबार

कोरोना ‘हटस्पट’ नेपालगञ्जमा १ हजार जनाको पीसीआर परीक्षण हुने

हेल्थ टिभी अनलाइन\ काठमाडौं : सरकारले नेपालमा कोरोनाको हटस्पट बनेको नेपालगञ्जमा र वीरगञ्जमा १ \१ हजार गरी दुई हजार जनाको नमुना परीक्षण गर्ने जनाएको छ ।

स्वास्थ्य तथा जनसंख्या मन्त्रालयको नियमित मिडिया ब्रिफिङमा मन्त्रालयका प्रवक्ता डा विकास देवकोटाले कोरोनाको जोखिममा रहेका नेपालगञ्ज र वीरगञ्ज गरी दुई हजार जनाको स्वाब संकलन गरिने बताए । उदयपुरमा भने ५ सय स्वाब संकलन गरिने मन्त्रालयलले जनाएको छ ।

उनले स्वाब संकलनका लागि इपिडिमियोलोजी तथा रोग नियन्त्रण महामाखाको टोली सेनाका चिकित्सकसहित सो क्षेत्रमा गइसेकेको बताए । नेपालगञ्जमा एउटै टोलका २३ जनाका संक्रमण देखिएको थियो । सबै संक्रमितको खजुरास्थित क्यान्सर अस्पतालको आइसोलेसनमा उपचार भइरहेको छ । यसैगरी वीरगञ्जमा बुधबार मात्रै दुई महिने शिशुसहित १७ जनामा संक्रमण देखिएको थियो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।