२५ बैशाख २०७७ , बिहिबार

सुदूरपश्चिममा पनि किट अभाव, रोकियो कोरोना परीक्षण

शेर भण्डारी \ डडेल्धुरा : कोरोना परीक्षणका लागि प्रयोग हुने ‘आरएनए एस्ट्राक्सन’ किट सकिएपछि सुदूपश्चिममा कोरोना परीक्षण रोकिएको छ ।

सुदूरपश्चिम भरीकै कोरोना परीक्षण हुने धनगढीमा रहेको पशु अन्वेषण प्रयोगशालामा आरएनए एस्ट्राक्सन किट सकिएपछि कोरोना परीक्षण रोकिएको हो ।

सुदूरपश्चिमको सामाजिक विकास मन्त्रालयका स्वास्थ्य महाशाखा प्रमुख नरेन्द्र कार्कीले कोरोना परीक्षणका लागि प्रयोग हुने आरएनए एस्ट्राक्सन किट अभाव भएकाले दुईदिनदेखि परीक्षण रोकिएको बताए । उनले भने, ‘देशैभरी आरएनए एस्ट्राक्सन किट अभाव भएको छ । स्वास्थ्य मन्त्रालयसँग कुरा भइसकेकाले छिटै आउने आश्वासन आएको छ । किट आए लगत्तै पुन परीक्षण शुरु गछौं ।’

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।