२४ बैशाख २०७७ , बुधबार

लकडाउन जेठ ५ गते सम्म लम्ब्याउने सरकारको निर्णय

हेल्थ टिभी अनलाइन \काठमाडौं: सरकारले लकडाउनलाई थप दश दिन लम्ब्याउने निर्णय गरेको छ ।

बुधबार बसेको मन्त्रिपरिषद्को बैठकले आगामी जेठ ५ गतेसम्म लकडाउनको समय लम्ब्याउने निर्णय गरेको हो । कोरोना रोकथाम तथा नियन्त्रण गर्न बनेको उच्चस्तरीय समितिले लकडाउनको मोडालिटी परिवर्तन गर्दै कोरोना नदेखिएका क्षेत्रमा केही खुकुलो गर्ने प्रस्ताव गरेको थियो। तर प्रधानमन्त्री केपी शर्मा ओलाीले भारतमा कोरोना संक्रमितको संख्या बढ्नु नेपालका लागि पनि जोखिम हो भन्दै लकडाउन लम्ब्याउने निर्णय गरेका हुन्।

नेपालमा कोरोना रोकथाम तथा नियन्त्रणका लागि भन्दै सरकारले चैत ११ देखि लकडाउन शुरु गरेको थियो । पछिल्लोपटक थपिएको लकडाउनको समय वैशाख २५ सम्म छ । आज लकडाउनको ४४ औं दिन हो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।