हेल्थ टिभी अनलाइन\काठमाडौं: नेपालमा हालसम्म पीसीआर विधिमार्फत १३ हजार ८ सय ५० जनाको परीक्षण गरिएको छ ।

स्वास्थ्य तथा जनसंख्या मन्त्रालयका प्रवक्ता डा विकास देवकोटाले उक्त कुराको जानकारी दिएका हुन्। यसैगरी मन्त्रालयका अनुसार आरडीटी विधिमार्फत हालसम्म ५२ हजार २ सय २७ जनाको परीक्षण गरिएको छ । आजसम्मको तथ्यांक अनुसार नेपालमा ८२ जनामा कोरोना संक्रमण पुष्टि भएको छ । त्यसमध्ये ६१ जना पुरुष र २१ जना महिला रहेका छन्। प्रदेश नंबर १ मा ३१ जना, प्रदेश २ मा १३ जना, बाग्मती प्रदेशमा ७ जना, गण्डकी प्रदेशमा २ जना, प्रदेश नं ५ मा २४ र सुदूरपश्चिममा ५ जना संक्रमित भेटिएका हुन्।

संक्रमितमध्ये १६ जना उपचारपछि निको भएर घर फर्किसकेका छन् भने अन्य  संक्रमितको विभिन्न अस्पतालमा उपचार भइरहेको छ । गत २४ घण्टामा १ हजार ५ सय ८२ जनाको पीसीआर विधिमार्फत परीक्षण गरिएको छ । यसैगरी २१ हजार ९९ जना क्वारेन्टाइनमा रहेका छन्। कोरोनाको आशंकामा आइसोलेसनमा रहनेको संख्या १ सय २० रहेको छ । संक्रमित सबैको स्वास्थ्य अवस्था सामान्य रहेको मन्त्रालयले जनाएकाे छ ।